बुटवल :-रुपन्देही–१ मा राष्ट्रिय प्रजातन्त्र पार्टी (राप्रपा) को माहोल क्रमशः बलियो बन्दै गएको दाबी गरिएको छ। पछिल्लो समय विभिन्न दल परित्याग गर्दै स्थानीय युवादेखि ज्येष्ठ नागरिकसम्म राप्रपामा प्रवेश गर्ने क्रम बढिरहेको पार्टी स्रोतले जनाएको छ।
यसै क्रममा देवदह बाट ६५ जना नेता–कार्यकर्ता तथा समर्थकहरू राप्रपामा प्रवेश गरेका छन्। नवप्रवेशीहरूलाई रुपन्देही–१ का प्रतिनिधिसभा सदस्यका उम्मेदवार प्रज्ज्वल बोहरा ले स्वागत गर्दै पार्टीको एजेन्डा जनमुखी र विकासमुखी रहेको बताएका छन्।
कार्यक्रममा बोल्दै उम्मेदवार बोहराले ज्येष्ठ नागरिकहरूको उपचार प्रक्रियालाई झन्झटरहित बनाउने स्पष्ट प्रतिबद्धता व्यक्त गरे। उनले सरकारी अस्पतालमा हुने लाइन, सिफारिस र कागजी प्रक्रियाको झन्झट हटाई सहज र छिटो सेवा उपलब्ध गराउने व्यवस्था मिलाइने बताए।
बोहराले शिक्षा, स्वास्थ्य, रोजगारी तथा पूर्वाधार विकासलाई प्राथमिकतामा राखेर काम गर्ने प्रतिवद्धता जनाउँदै रुपन्देही–१ लाई नमुना क्षेत्रका रूपमा विकास गर्ने योजना अघि सारे। स्थानीय तहमा देखिएका समस्या समाधानका लागि आफू जनतासँगै रहने उनको भनाइ थियो।
पार्टी प्रवेश कार्यक्रममा राप्रपा केन्द्रीय सदस्य तोयानाथ लम्साल ले पार्टीले कसैसँग पनि चुनावी तालमेल नगरेको स्पष्ट पार्दै कुनै अफवाहमा नपरी ढुक्क भएर मतदान गर्न अपिल गरेका
