बुटवल । नेपाली काँग्रेसका तर्फबाट रुपन्देही–२ का प्रतिनिधिसभा सदस्य उम्मेदवार चुन्नप्रसाद पौडेलले बाहिरिएको लगानी स्वदेशमै भित्र्याउन सके नेपालमा रहेको रोजगारी समस्या ठूलो मात्रामा समाधान हुने बताउनुभएको छ।
उहाँले मुलुकमा पूँजी पलायन बढ्दै जाँदा उद्योग, व्यवसाय र उत्पादन क्षेत्र कमजोर बन्दै गएको उल्लेख गर्दै स्वदेशी लगानीमैत्री वातावरण निर्माण गर्नुपर्नेमा जोड दिनुभयो।
“नेपालबाट बाहिरिएको लगानीलाई सुरक्षित र आकर्षक वातावरणमार्फत पुनः भित्र्याउन सकियो भने नयाँ उद्योग स्थापना, उत्पादन वृद्धि र रोजगारी सिर्जनामा ठोस प्रगति हुन्छ,” उहाँको भनाइ थियो।
पौडेलले नीतिगत स्थिरता, लगानीको सुरक्षा, पारदर्शी प्रशासन र औद्योगिक पूर्वाधार विकासमार्फत लगानीकर्ताको विश्वास जित्नुपर्ने आवश्यकता औँल्याउनुभयो। स्वदेशी कच्चापदार्थमा आधारित उद्योग विस्तार, कृषि–उद्योग समन्वय र निर्यातमुखी उत्पादनलाई प्राथमिकता दिनुपर्ने उहाँले उल्लेख गर्नुभयो।
उहाँले युवालाई वैदेशिक रोजगारीतर्फ धकेल्ने बाध्यता अन्त्य गर्न स्वदेशमै अवसर सिर्जना गर्नुपर्ने धारणा राख्दै, आर्थिक आत्मनिर्भरता नै दीर्घकालीन समाधान भएको
