बुटवल :-कार्तिक कृष्ण त्रयोदशीका दिन मनाइने काग तिहार पर्व आज देशभर मनाइँदैछ। कागलाई यमराजका दूतका रूपमा पूजा गरी दही–भात र मीठा परिकार अर्पण गर्ने परम्परा रहिआएको छ।
नेपाल पञ्चाङ्ग निर्णायक विकास समितिका अध्यक्ष प्रा. शम्भुप्रसाद ढकालका अनुसार त्रयोदशी तिथि सूर्योदयमा परेकाले आज आइतबार काग तिहार मनाउन शास्त्रसम्मत मिति हो।
यस अवसरमा कागेश्वरी मनोहरा नगरपालिका–१ स्थित कागेश्वरी महादेव मन्दिर र हनुमानढोकास्थित कागेश्वरी मन्दिरमा विशेष पूजा हुँदैछ।
शनिबार साँझदेखि यम दीपदान सुरु भइसकेको छ भने यसै दिन यमपञ्चक र धनतेरस पर्व पनि आरम्भ भएका छन्। धनतेरसमा गरगहना र तामाका भाँडाकुँडा किन्ने परम्परा छ, जसले लक्ष्मी घरमा स्थिर हुने विश्वास गरिन्छ।
Facebook Comments Box
