बुटवल :-लायन्स क्लब इन्टरनेशनल डिष्ट्रिक ३२५ पिको गभर्नरमा सन्दिप कसौधन सर्वसम्मत निर्वाचित भएका छन्। बुटवलमा सम्पन्न निर्वाचनबाट आगामी वर्ष २०२६/०२७ का लागि उनलाई गभर्नर चयन गरिएको हो।
यसैगरी फस्ट भाइस डिस्ट्रिक गभर्नर (VDG) मा मिना पन्थी, सेकेन्ड VDG मा अर्चित श्रेष्ठ निर्वाचित भएका छन्। डिष्ट्रिक सचिवमा आशिषकृष्ण श्रेष्ठ र कोषाध्यक्षमा सुरेन्द्र घिमिरे चयन भएका छन्।
लायन्स क्लब इन्टरनेशनल डिष्ट्रिक ३२५ पिको चौथो अधिवेशनबाट निर्वाचित कसौधनले सम्पूर्ण लायनहरुलाई एकजुट भई मानवीय सेवामा निस्वार्थ समर्पित रहन आग्रह गरे। समाज परिवर्तन बिना मुलुक परिवर्तन सम्भव नहुने उल्लेख गर्दै उनले सक्षम र असल नेतृत्व उत्पादनमा लायन्सको भूमिका अझ सशक्त बनाउने प्रतिबद्धता व्यक्त गरे।
कार्यक्रममा वर्तमान डिष्ट्रिक गभर्नर बालाराम भट्टराई ले लायन्स अभियानलाई सफल बनाउन सामाजिक उत्तरदायित्व, मानवीय मूल्य र सेवा भाव अभिवृद्धिको आवश्यकता औंल्याए।
कार्यक्रममा अमृत बिक, श्रद्धा कुँवर, पुरुषोत्तम भक्त प्रधानाङ, अरुण प्रताप राणा, अर्जुनमान सैजु, नवराज न्यौपाने, सुनिल वझा, अनुप पहाडी, महेन्द्र नारायण श्रेष्ठ लगायतले आफ्नो धारणा राखेका थिए।
यसैबीच, प्रकाश कुमार श्रेष्ठ को संयोजकत्वमा लायन्स सदस्यहरूबाट संकलित ७ लाख रुपैयाँभन्दा बढी रकम कार्यालय सचिव स्व. दिनेश बुढाथोकीकी छोरीको अध्ययनका लागि परिवारलाई हस्तान्तरण गरिएको थियो।
कार्यक्रम डिष्ट्रिक गभर्नर बालाराम भट्टराईको अध्यक्षता तथा लायन्स इन्टरनेशनल डाइरेक्टर (इन्डोस) राजेन्द्र लम्साल को प्रमुख आतिथ्यतामा सम्पन्न भएको थियो।
