देवदह, रुपन्देही: निर्वाचन क्षेत्र नम्बर–१ का मतदाताले नेपाली कांग्रेसका उम्मेदवार हिराबहादुर खत्रीलाई आगामी प्रतिनिधिसभा निर्वाचनमा विजयी गराउनुपर्ने धारणा व्यक्त गरेका छन्।
सोमबार तिलोत्तमा–१५ र १६ का टोल तथा बस्तीमा आयोजित घरदैलो कार्यक्रममा खत्रीसँग भेटेका मतदाताले स्थानीय आवश्यकता बुझ्ने स्थायी उम्मेदवार नै विकासका लागि उपयुक्त हुने बताएका थिए।
मतदाताले खत्रीलाई कृषि, व्यवसाय र पर्यटनको सम्भावना बुझ्ने युवा नेताको रूपमा हेरेका छन् र उनको नेतृत्वमा क्षेत्रीय विकास सम्भव हुने विश्वास व्यक्त गरेका छन्।
उम्मेदवार खत्रीले भने, “तपाईंहरूको सुझाव र भावना मेरो प्राथमिकतामा रहनेछ। क्षेत्रको समग्र विकासका लागि योजना ल्याउनेछु।”
निर्वाचन परिचालन सचिवालय समिति संयोजक विजय गुरुङका अनुसार क्षेत्र–१ का विभिन्न पालिकामा घरदैलो अभियान र प्रत्यक्ष संवाद कार्यक्रम निरन्तर जारी छ।
