काठमाडौं :-राष्ट्रिय स्वतन्त्र पार्टी (रास्वपा) का सभापति रवि लामिछानेले काठमाडौं महानगरपालिकाका प्रमुख बालेन्द्र शाह (बालेन) लाई पार्टीको दोस्रो वरियतामा राख्दै आगामी फागुन २१ गते हुने निर्वाचनपछि प्रधानमन्त्रीको उम्मेदवारका रूपमा स्वीकार गर्ने सन्देश पठाएका छन्।
आगामी चुनावमा सहकार्यका विषयमा छलफल गर्न मेयर शाहले गठन गरेको कार्यदलको बैठक हाल जारी छ। बैठकमा सुनिल लम्साल, शिशिर खनाल, असिम साह, कुमार ब्यञ्जनकारलगायत सहभागी छन्। कार्यदलले दुवै पक्षबीच हुने सहमतिका विषयमा ड्राफ्ट तयार गरिरहेको बताइएको छ।
स्रोतका अनुसार आजै सहमतिमा हस्ताक्षर हुन सक्ने सम्भावना रहेको छ। सहमतिको प्रारम्भिक खाकामा बालेन शाहलाई पार्टीको दोस्रो वरियतामा राख्ने र निर्वाचनपछि प्रधानमन्त्रीको उम्मेदवारका रूपमा अघि सार्ने विषय समेटिएको जनाइएको छ।
रास्वपा र बालेन समूहबीचको सम्भावित सहकार्यले आगामी चुनावी राजनीति थप रोचक र प्रतिस्पर्धात्मक बन्ने संकेत दिएको छ।
