तिलोत्तमा:- १० जनवरी मेल्भिन जोन्स दिवसको अवसरमा लायन्स क्लब अफ बुटवल सेन्ट्रल तथा लियो क्लब अफ बुटवल सेन्ट्रलले संयुक्त रूपमा तिलोत्तमा स्थित अभिनास अनाथ आश्रममा न्यानो कपडा वितरण तथा “हङ्गर रिलिफ” कार्यक्रम सम्पन्न गरेका छन्।
लायन्स अन्तर्राष्ट्रियको सप्ताहव्यापी अभियान अन्तर्गत आयोजित कार्यक्रममा आश्रमका बालबालिकालाई न्यानो कपडा वितरण गर्नुका साथै भोजन खुवाइएको थियो। आयोजकहरूले यस अभियानले समाजका कमजोर वर्गलाई प्रत्यक्ष राहत पुर्याउने र मानवीय भावना मजबुत बनाउन सहयोग गर्ने बताएका छन्।
कार्यक्रमका प्रमुख अतिथि FWC Coordinator लायन सविना श्रेष्ठ रहनु भएको थियो भने संयोजकको भूमिका क्लबका पूर्व अध्यक्ष तथा हालका जोन चेयरपर्सन लायन बल बहादुर गाेदारले निर्वाह गर्नुभएको थियो।
कार्यक्रम लायन्स क्लब अफ बुटवल सेन्ट्रलका अध्यक्ष लायन जमाल खानको अध्यक्षतामा सम्पन्न भएको हो। यस अवसरमा लियो जिल्ला परिषद् ३२५ पि का मेम्बरसीप चेयरपर्सन लियो-लायन हिमाल खनाल, लियो क्लब अफ बुटवल सेन्ट्रलका अध्यक्ष लियो-लायन मोहित थापा, लायन्स तथा लियो क्लबका पदाधिकारी, सदस्यहरू तथा स्थानीय समुदायको उल्लेख्य उपस्थिति रहेको थियो।
त्यसैगरी, लायन्स क्लबका पूर्व अध्यक्षहरू लायन विष्णु कुवर, जे. डी. वारसी, बाल्दर गोदार, तिलक कार्की, निरज के. सी. तथा द्वितीय उपाध्यक्ष उमेश शर्मा लगायतले कार्यक्रम सफल बनाउन उल्लेखनीय योगदान गर्नुभएको थियो।
