ललितपुर–१२ मा अवस्थित ऐतिहासिक मन्दिर श्रद्धा, आस्था र सामुदायिक एकताको केन्द्र बनेको छ
ललितपुर :-ललितपुर महानगरपालिका–१२ मा अवस्थित ऐतिहासिक हनुमान बाजे मन्दिर हाल भक्तजनहरूको प्रमुख आस्थाको केन्द्र बनेको छ। प्रत्येक शनिबार र मंगलबार बिहान १ बजेदेखि सुरु हुने विशेष पूजामा दैनिक करिब १५०० भन्दा बढी श्रद्धालुहरूको सहभागिता हुने गरेको मन्दिर व्यवस्थापन समितिले जनाएको छ।
मन्दिरका अध्यक्ष मधव बनेसतका अनुसार भक्तजनहरूले यहाँ आएका मनोकामना पूरा हुने विश्वासका साथ पूजापाठ गर्ने गर्छन्। उनले भने, “यो मन्दिरमा आउने भक्तहरूको संख्या पछिल्ला वर्षमा तीव्र रूपमा बढेको छ। श्रद्धा र आस्थाले नै मन्दिरलाई आजको रूप दिएको हो।”
पुजारी भमकट बसानेतले मन्दिरमा निःशुल्क पूजा सेवा उपलब्ध रहेको जानकारी दिए। उनका अनुसार अनलाइनमार्फत पनि पूजा अर्डर गर्न सकिने व्यवस्था गरिएको छ, जसले देश–विदेशका श्रद्धालुहरूलाई सहजता दिएको छ। 
अध्यक्ष बनेसतले मन्दिरको भौतिक विकासका लागि वडा कार्यालय र महानगरपालिकासँग सहकार्य भइरहेको बताए। “भक्तजनका लागि बाटो, सरसफाइ र आवश्यक संरचना विस्तार भइरहेका छन्,” उनले भने।
स्थानीयवासीहरूका अनुसार शनिबार र मंगलबार बिहानैदेखि मन्दिर परिसर भक्तिभावले भरिन्छ। घण्टी, धूप, फूल र मन्त्रसहितको वातावरणले सम्पूर्ण क्षेत्रलाई पवित्र बनाउँछ।
स्थानीय समुदायले मन्दिरलाई धार्मिक आस्थाको मात्र होइन, सामाजिक एकताको केन्द्रको रूपमा समेत लिएको छ।
हनुमान बाजे मन्दिर ललितपुरको धार्मिक सम्पदामध्ये एक महत्त्वपूर्ण केन्द्र हो। यहाँको व्यवस्थापन, सेवा र भक्तिभावले मन्दिरलाई धार्मिक पर्यटनको सम्भावित गन्तव्यका रूपमा स्थापित गर्दै लगेको छ।
