बुटवल :- राष्ट्रिय लोक सञ्चारकर्मी नेपाल, लुम्बिनी प्रदेशको प्रथम कार्यसमिति गठन गरिएको छ। बुटवलमा सम्पन्न स्थापना बैठकबाट गोबिन्द भुषालको अध्यक्षतामा १७ सदस्यीय नयाँ कार्यसमिति चयन गरिएको हो।
नवगठित कार्यसमितिको ब–उपाध्यक्षमा अनिता खत्री, उपाध्यक्षमा नमराज पाण्डे चयन भएका छन्। यसैगरी सचिवमा दीपक नेपाली, सह–सचिवमा विराट पहाडी, कोषाध्यक्षमा बसन्त लम्साल र सह–कोषाध्यक्षमा मनिषा बस्याल चयन भएका छन्।
कार्यसमितिको प्रवक्तामा हरि बहादुर वि.क (सुबास) चयन भएका छन् भने महिला विभाग प्रमुखमा रिया बस्नेत नियुक्त भएकी छन्। प्रचार विभाग प्रमुखमा सुदीप गौतम र प्रचार विभाग सचिवमा विवेक रायमाझी चयन भएका छन्। सदस्यहरूमा ऋषि वाग्ले, ओमप्रकाश गुप्ता, विनोद निगम र विरन्द्र गिरी रहेका छन्।
कार्यक्रम राष्ट्रिय लोक सञ्चारकर्मी नेपालका लुम्बिनी प्रदेश इन्चार्ज तुलसिंह रनपछाईंको प्रमुख आतिथ्यतामा सम्पन्न भएको थियो। कार्यक्रममा लोकगायक नारायण बीपी, बसन्त लम्साल तथा प्रमुख अतिथि रनपछाईँलगायत वक्ताहरूले लोक सञ्चारकर्मीहरूको भूमिका, संगठन सुदृढीकरण र सांस्कृतिक पहिचानको संरक्षणमा संस्थाको योगदानबारे आ–आफ्नो धारणा राखेका थिए।
नवगठित कार्यसमितिले लोक सञ्चारकर्मीहरूको हकहित संरक्षण, क्षमता अभिवृद्धि तथा प्रदेशस्तरमा संगठन विस्तारलाई प्राथमिकतामा राखेर काम गर्ने प्रतिबद्धता व्यक्त गरेको छ।
उक्त जानकारी प्रचार विभाग प्रमुख सुदीप गौतमले दिएका हुन्।
