रामकृष्ण कडेल, गुल्मी :इश्वरी माध्यमिक विद्यालय गुल्मीदरबार गाउँपालिका वडा नं. ६ चारपाला गुल्मीको ५३औं वार्षिकोत्सव भव्य रूपमा सम्पन्न भएको छ ।
बिध्यालय ब्यवस्थापन समिती अध्यक्ष हिरा बहादुर खत्रीको सभापतित्वमा रहेको कार्यक्रममा गुल्मीदरबार गाउँपालिका उपाध्यक्ष तारा थापा ढेगाको प्रमुख आतिथ्यता, विशिष्ट अतिथिमा गुल्मीदरबार सामाजिक विकास समिति संयोजक तथा वडाध्यक्ष मुकेश थापा, गुल्मीदरबार गाउँपालिकाका प्रवक्ता एवं वडाध्यक्ष शालिकराम टन्डन ,नेपाल सरकारका उपसचिव जगदीश अर्याल, गुल्मीदरबार गाउँपालिका कार्यपालिका सदस्य ईश्वरी परियार, सदस्य सोनुदेवी कार्की,जनप्रतिनिधि , भूतपूर्व विद्यार्थी समाजका अध्यक्ष तथा यस विद्यालयका पूर्व शिक्षक हरि प्रसाद अर्याल, पूर्व विद्यालय व्यवस्थापन समिति अध्यक्ष हरि प्रसाद कंडेल रहनुभएको थियो ।
विभिन्न संघ संस्थाका प्रमुखहरू, छिमेकी विद्यालयका प्रधानाध्यापकहरू, शुभचिन्तकहरू र अभिभावकहरूको समेत आतिथ्यता रहेको थियोे । विद्यालय व्यवस्थापन समितिका पदाधिकारीहरू, शिक्षक अभिभावक संघका पदाधिकारीहरू, मानार्थ सदस्य, विशिष्ट सदस्यहरू, आजीवन सदस्यहरू, साधारण सदस्यहरू, चन्दादाताहरू, अक्षयकोषदाताहरूको पनि आतिथ्यता रहेको थियोे । कार्यक्रममा विद्यालयका प्रधानाध्यापक हरि बहादुर कार्कीले आर्थिक वर्ष २०७८/०७९ को झण्डै २२ लाख बराबरको आय-व्यय र समग्र विद्यालयका गतिविधिहरुको बारेमा प्रतिवेदन प्रस्तुत गर्नुभएको थियो ।
कार्यक्रममा विद्यालयमा योगदान दिनुभएका पूर्व शिक्षकहरुलाई सम्मान गरिएको थियोे । त्यस्तै विभिन्न क्षेत्रमा योगदान गर्ने महानुभावहरुलाई पनि समारोहमा सम्मान गरिएको थियोे ।
विद्यालयमा कार्यरत शिक्षकहरूलाई समेत सम्मान गरिएको थियो । ५३औं वार्षिक उत्सवको कार्यक्रम माघ २७ गतेदेखि विभिन्न खेलकुदहरू आयोजना गरि सुरुवात गरिएको थियो । साँस्कृतिक कार्यक्रम शिक्षक टोपबहादुर थापाले र समग्र कार्यक्रमको सञ्चालन शिक्षक बाबुराम कंडेलले गर्नुभएको थियोे ।
