गैँडाकोटमा ३२ वर्षीय पुरुषद्धारा आत्महत्या

गैँडाकोट । नवलपुरको गैँडाकोटमा एक पुरुषले आत्महत्या गरेका छन् ।

गैँडाकोट नगरपालिका वडा नं. २ मौलाकालिका मार्गस्थित खगेन्द्र लम्सालको घरमा बस्दै आएका सर्लाही घर भएका ३२ वर्षका विशाल तामाङले आत्महत्या गरेका हुन् ।

तामाङले आफु बस्ने कोठाको सिलिङ पंखामा डोरी लगाएर झुन्डिएर आत्महत्या गरेको इलाका प्रहरी कार्यालय गैँडाकोटले जनाएको छ । छिमेकीका अनुसार घारायशी विषयमा मृतक विशाल र श्रीमतीविच झगडा भएको थियो ।

मृतक तामाङका श्रीमती र २ छोराहरु छन् । उनको शव पोष्टमार्टमका लागि भरतपुर अस्पतालको शवगृहमा राखिएको छ ।