गुल्मी: उपचाररत बालिकाको मृत्यु भएपछि जिल्ला अस्पताल गुल्मी तनावग्रस्त बनेको छ।
उपचारका लागि अस्पताल पुर्याइएकी बालिकालाई त्यहाँ कार्यरत चिकित्सक र नर्सको लापरबाहीले ज्यान गएको भन्दै आफन्तहरुले अस्पताल घेराउ गरेका छन् ।अर्घाखाँचीको छत्रदेव गाउँपालिका–७ काउले निवासी राजेश मरासिनीकी ७ वर्षीया छोरी प्रशंसा मरासिनीको मंगलबार बिहान पौने ८ बजेको समयमा मृत्यु भएको थियो ।
प्रशंसाका फुपाजु रेसुङ्गा नगरपालिका–२ का युवराज भण्डारीका अनुसार प्रशसालाई पेट दुखेपछि उनका बाबुले मोटरसाइकलमा राखेर सोमबार बिहान ११ बजेतिर गुल्मी अस्पताल उपचारका लागि ल्याएका थिए ।सामान्य पेट दुखेर अस्पताल ल्याइएको उनले दिउँसो बान्ता गरेपछि भर्ना गरिएको थियो। 
मङ्गलबार बिहान ६ बजेको समयमा उनी निदाएकै अवस्थामा इन्जेक्सन लगाइएको थियो। इन्जेक्सन लगाउदा बित्तिकै बच्चा बेहोस भएपछि बिरामीका आफन्तले डाक्टरलाई बोलाउन आग्रह गरे पनि नर्सहरूले समयमै डाक्टर नबोलाउँदा बच्चाको ज्यान गएको भण्डारीले आरोप लगाए। ‘नर्स डाक्टर सबैको चरम लापरबाहीका कारण उनको ज्यान गएको हो, यसर्थ शव उठाउन मानेका छैनौ।’-उनले भने।
घटनाका प्रत्यक्षदर्शी धुर्कोट गाउँपालिका–३ का वडाध्यक्ष पदम बिष्टले अस्पतालकै लाहापरवाहीले बालिकाको ज्यान गएको बताउँछन् । ‘म हिजो ८ बजेसम्म अस्पताल मै थिए बालिकाको अवस्था सामान्य थियो ।’–भउने अघि भने, आज बिहान पनि सँगै रहेका बाबुलाई बाबा मलाई भोक लाग्यो भन्दै थिईन रे ।’
साभार:-ओझेलका खबर 
