बुटवल । बुटवलको कालिकापथमा पैदलयात्रीलाई लुटपाट गर्ने दुई युवालाई प्रहरीले पक्राउ गरेको छ । पक्राउ पर्नेमा बुटवल–७ स्थायी घर भई हाल देवदह–१० बस्ने २७ वर्षीय दर्पण थापा र पाल्पाको माथागढी–१ घर भएका २२ वर्षीय आकाश सारु भएको ईलाका प्रहरी कार्यालय बुटवलले जनाएको छ ।
बुटवलको कालिकानगर स्थित शिवालय मन्दिर नजिकै लु ९२ प ५६८३ नम्वरको स्कुटरमा आएका ती युवाहरुले कामबाट घर फर्किदै गरेका पैदलयात्री दुर्गा बहादुर गुरुङलाई डर त्रास देखाउँदै उनको साथबाट रेड्मी नोट प्रो मोबाइल र नगद ४ हजार ५ सय लुटपाट गरेको प्रहरीले जनाएको छ । उनीहरुलाई मँगलबार विहान पक्राउ गरी थप अनुसन्धान अघि बढाइएको प्रहरीले जनाएको छ ।
Facebook Comments Box
