दाङ :-लुम्बिनी प्रदेश सरकारले आगामी आर्थिक वर्ष २०८३/०८४ का लागि ३७ अर्ब ३८ करोड ४५ लाख रुपैयाँको बजेट सार्वजनिक गरेपछि चेम्बर अफ कमर्स लुम्बिनीले बजेटप्रति मिश्रित प्रतिक्रिया जनाएको छ।
चेम्बर अफ कमर्स लुम्बिनीका अध्यक्ष टंक पोखरेलले बजेटमा पूर्वाधार विकास, सामाजिक क्षेत्र, कृषि, स्वास्थ्य तथा ‘डिजिटल लुम्बिनी’ जस्ता विषयलाई प्राथमिकतामा राखिएको भए पनि समग्र रूपमा अपेक्षित उत्साह सिर्जना गर्न नसकेको बताएका छन्।
उनका अनुसार बजेटले निजी क्षेत्रका केही मागलाई सम्बोधन गर्ने प्रयास गरे पनि उद्योग, लगानी प्रवर्द्धन र आर्थिक गतिविधिलाई गति दिने स्पष्ट तथा व्यवहारिक कार्यक्रमको अभाव देखिएको छ।
“निजी क्षेत्रलाई सम्बोधन गर्ने प्रयास गरिएको छ, तर अपेक्षित उत्साह आएको छैन,” अध्यक्ष पोखरेलले भने, “केही सकारात्मक व्यवस्था भए पनि बजेटमा नयाँपन र रूपान्तरणकारी सोचको कमी देखिन्छ।”
पोखरेलले उद्यम विकास कोष, स्टार्टअप कार्यक्रम तथा उद्योग क्षेत्रमा प्रदान गरिने सहुलियतलाई सकारात्मक रूपमा लिन सकिने उल्लेख गर्दै तिनको प्रभावकारी कार्यान्वयन आवश्यक रहेको बताए। उनले कार्यान्वयनको स्पष्ट खाका नहुँदा बजेटमा समेटिएका कार्यक्रमको प्रभावकारितामाथि प्रश्न उठ्न सक्ने धारणा व्यक्त गरे।
उनले प्रदेश सरकारले वित्तीय सुशासन, संघीय संरचनाको सुदृढीकरण तथा आर्थिक समृद्धिलाई प्राथमिकता दिन खोजेको सकारात्मक भए पनि अधिकांश योजना विगतका कार्यक्रमकै निरन्तरतामा सीमित देखिएको टिप्पणी गरे।
चेम्बर अफ कमर्स लुम्बिनीले बजेटको सफलता यसको प्रभावकारी कार्यान्वयनमा निर्भर रहने उल्लेख गर्दै निजी क्षेत्रसँगको सहकार्यलाई थप मजबुत बनाउन प्रदेश सरकारलाई
