गुल्मी :-उज्यालो नेपाल पार्टी ले गुल्मी निर्वाचन क्षेत्र नम्बर २ बाट कर्ण बहादुर थापा लाई प्रतिनिधि सभा सदस्यका लागि उम्मेदवार बनाएको छ।
उम्मेदवार थापाले सुशासन, पारदर्शिता र समग्र विकासलाई मुख्य एजेन्डा बनाउँदै चुनावी मैदानमा उत्रिएको बताएका छन्। उनले आधुनिक प्रविधिमैत्री विकास, रोजगारी सिर्जना तथा युवा पलायन रोक्ने योजना अघि सारेका छन्।
पार्टीले गुल्मी–२ मा आफ्नो संगठन मजबुत रहेको दाबी गर्दै चुनावी अभियान तीव्र बनाएको जनाएको छ। गाउँ–गाउँमा भेटघाट तथा मतदाता संवाद कार्यक्रम सञ्चालन भइरहेका छन्।
गुल्मी–२ मा यसपटक विभिन्न दलका उम्मेदवारबीच प्रतिस्पर्धा हुने देखिएको छ। नयाँ र पुराना राजनीतिक शक्तिहरूबीच हुने प्रतिस्पर्धाले चुनावलाई थप रोचक बनाएको स्थानीय विश्लेषण छ।
Facebook Comments Box
