अनिष पन्थी, गुल्मी: गुल्मीमा तम्घास देखि धार्मिक एवं पर्यटकीय स्थल रेसुङ्गा सम्म दौड प्रतियोगिता सम्पन्न भएको छ। रेसुङ्गाको प्रचारप्रसार गर्न र जाउँ हिँड रेसुङ्गालाइ प्रभावकारी बनाउन सनिवार बिहान दौड प्रतियोगिता गरिएको हो।
जिल्ला खेलकुद विकास समिती गुल्मीको आयोजनामा सन्चालन भएको दौडमा प्रथम मुसिकोट नगरपालिका ७ का भुवन खत्री भएका छन । यस्तै द्धितिय सङ्ग्राम शार्दुल गुल्म धागिथुम ब्यारेक गुल्मीका सिपाहि सुक्र रोकाय र तृतिय अर्घाखाँचीको सन्धिखर्क नगरपालिका १ का रोहित अधिकारी भएको जिल्ला खेलकुद बिकास समिति गुल्मीका कार्यालय प्रमुख डिल्ली बिस्वकर्माले जानकारी दिए ।
दाैडमा प्रथम द्धितिय र तृतिय हुनेले क्रमश नगद १५ हजार , आठ हजार र पाँच हजार रुपैयाँ नगदसहित मेडल र प्रमाणपत्र प्राप्त गरेको बिस्वकर्माले जानकारी दिए ।
जिल्ला खेलकुद बिकास समिती गुल्मीका अध्यक्ष गिरि प्रसाद महाकिमको सभापतित्व एवं रेसुङ्गा नगरपालिकाका प्रमुख खिलध्वज पन्थिको प्रमुख आतिथ्यतामा जिल्लाको सदरमुकाम रेसुङ्गा न पा ८ तम्घासबाट यहाँको ऐतिहासिक, धार्मिक तथा पर्यटकीय क्षेत्र रेसुंगा पोखरी सम्म १० किमी दौड प्रतियोगिता सम्पन्न भएको जिल्ला खेलकुद बिकास समितीले जानकारी दिएको छ ।
”स्वस्थ्यका लागि खेलकुद”, “राष्ट्रका लागि खेलकुद” भन्ने नारालाइ प्रभाव पार्न साथै हिन्दु नेपालीहरुको महान पर्व बिजया दशमीको अवसर पारेर रेसुङ्गाको आन्तरिक पर्यटनमा प्रबर्द्धन गर्न र जाउँ हिँड रेसुङ्गालाइ सफल बनाउन दौड प्रतियोगिता राखिएको जिल्ला खेलकुद बिकास समिति गुल्मीले जनाएको छ।
