बुढानिलकण्ठ :-राजधानीको उत्तरी भेगमा अवस्थित बुढानिलकण्ठ नगरपालिका धार्मिक, पर्यटन र आवासीय विस्तारका कारण तीव्र रूपमा घनिभूत हुँदै गएको क्षेत्र हो। जनसंख्या र आवागमनको चाप बढ्दै जाँदा यहाँको यातायात व्यवस्था दिनप्रतिदिन जटिल र अव्यवस्थित बन्न थालेको छ। त्यसमाथि, सम्पूर्ण नगरभर एउटा व्यवस्थित बस पार्क नहुँनु स्थानीय बासिन्दाका लागि लामो समयदेखि निराशाको विषय बनिरहेको छ।
यही समस्याको जड र समाधानबारे बुझ्नका लागि हामीले भेटेका थियौँ— काडे भिर यातयात पा लिपालिका अध्यक्ष गोपाल कार्की।
सडक नै ‘पार्किङ’, यात्रु–चालक दुवै संकट
नगरका मुख्य चोक र सडकहरूमा दैनिक देखिने दृश्य उस्तै—
बसहरू सडकछेउमा जहिले पनि रोकिएका,
यात्रुहरू हतार–हतार चढ्दै–ओर्लँदै,
सहज रूपमा ओर्लन नपाउँदै हर्न बजाउँदै दगुर्ने गाडीहरू,
र ती बेहाल दृश्यसँगै अड्किएको ट्राफिक।
अध्यक्ष कार्की भन्छन् “बस र हाईस बढ्दै गएका छन्, तर पार्क गर्ने ठाउँ आजसम्म बढेन। यात्रु चढ्ने–उतार्ने ठाउँ नै सुरक्षित छैन। यो अवस्था न चालकको लागि राम्रो हो, न यात्रुको लागि।”
चालकहरूले ‘न रोकिएको ठाउँमा रोकियो’ भनेर ट्राफिक कम्तीमा पटक–पटक धरापमा पर्छन्। यात्रुहरू सडककै पेटीमा उभिन बाध्य हुन्छन्, जसले दुर्घटनाको जोखिम झनै बढाएको छ।
समाधान किन ढिलो? वास्तविक बाधा के?
– उपयुक्त जमिनको अभाव
– रहेको भू–भाग निजी स्वामित्वमा हुनु
– विगतका योजना राजनीतिक कारणले कार्यान्वयन नहुनु
– बजेट स्वीकृतिमा ढिलाइ
– सम्बन्धित निकायबीच सहमति जुट्न समय लाग्नु
यी सबै कारणहरू मिलेर बस पार्क निर्माण वर्षौँदेखि ‘कागजमै’ सीमित रह्यो।
कार्की थप भन्छन्- “हामीले धेरै ठाउँ अवलोकन गरेका छौँ। स्थान पहिचान भइसकेको छ, तर अन्तिम निर्णय र बजेट प्रक्रियाले गति पकड्न सकेको छैन।”
स्थानीयवासी भने स्थान छनोटमा पारदर्शिता र सरकार–समिति–निजी क्षेत्रबीच सहकार्य माग्दै आएका छन्।
नयाँ बस पार्क : प्रारम्भिक योजना यस्तो
यातायात समितिले अगाडि सारेको बस पार्क बहुउपयोगी संरचनामा आधारित हुनेछ। प्रारम्भिक खाका अनुसार बस पार्कमा—
बस पार्किङ–बे
यात्रु प्रतिक्षालय (waiting lounge)
टिकट काउन्टर र डिजिटल सूचना प्रणाली
विद्युतिय चार्जिङ स्टेशन (भविष्यका E–बस लक्षित)
शौचालय, सिसिटिभी, सुरक्षा व्यवस्थापन
छोटो–दूरी र लामो–दूरी बसलाई छुट्टै लेन
ट्राफिक व्यवस्थापन केन्द्र
समितिको दाबी छ— पर्याप्त जग्गा सुनिश्चित भएपछि पार्क निर्माण एकैपटक सुरु गरेर छोटो समयमै सम्पन्न गर्न सकिनेछ।
अध्यक्ष कार्कीको प्रतिबद्धता : “बस पार्क बन्नेछ, यही अवधिमा अगाडि बढ्छौँ”
अध्यक्ष कार्कीले अन्त्यमा भने “यो नगर वर्षौँदेखि बस पार्कको अभावले थिचिएको छ। हामी अब बहानामा अड्किँदैनौँ। छिमेकी पालिका, जग्गा मालिक र सरकारसँग सहकार्य गरी बस पार्कको काम यो अवधिमै अघि बढाउने छौँ।”
स्थानीयवासीले पनि यतिबेला दृढ राजनीतिक इच्छाशक्ति देखिए बस पार्क निर्माणले नगरको ट्राफिक व्यवस्थापन मात्र होइन, सम्पूर्ण नगरको आर्थिक र व्यवस्थित विकासको ढोका खोल्ने विश्वास व्यक्त गरेका छन्।
