बुटवल :- लायन्स क्लब अफ बुटवल सेन्ट्रल को १३औँ कन्भेन्सनबाट आगामी लायन वर्ष २०२६/२७ का लागि नयाँ कार्यसमिति चयन गरिएको छ। अधिवेशनले अध्यक्ष पदमा लायन कृष्ण बन्धु अर्याल सर्वसम्मत रूपमा निर्वाचित हुनुभएको छ।
बैशाख १४ गते बुटवलस्थित होटल डल्फिनमा सम्पन्न अधिवेशनमा क्लबका सदस्यहरूको उत्साहजनक सहभागिता रहेको थियो। निर्वाचन प्रक्रियामार्फत अन्य पदाधिकारीहरू पनि चयन गरिएको हो।
निर्वाचनअनुसार प्रथम उपाध्यक्षमा लायन उमेश चन्द्र शर्मा, द्वितीय उपाध्यक्षमा कृष्ण प्रसाद घिमिरे र तृतीय उपाध्यक्षमा लायन राम बहादुर रसाइली निर्वाचित हुनुभएको छ।
त्यसैगरी सचिवमा लियो–लायन हिमाल खनाल, कोषाध्यक्षमा लायन आनन्द क्षेत्री, LCIF कोर्डिनेटरमा लायन जमाल खान तथा क्लब एडमिनिस्ट्रेटर, लियो क्लब सल्लाहकार र मार्केटिङ कोर्डिनेटरमा लायन विष्णु कुवर चयन हुनुभएको छ।
क्लब सर्भिस चेयरपर्सनमा लायन बाल्दर गोदार, मेम्बरशिप चेयरपर्सनमा लायन जे.डी. वारसी, टेमरमा लियो–लायन बुद्धि कुवर तथा टेल ट्विस्टरमा लियो–लायन सुदिप ज्ञवाली निर्वाचित हुनुभएको छ।
त्यसैगरी क्लब डाइरेक्टरमा लायन रियाज अहमद, लियो–लायन लक्ष्मण पन्थी,लियो–लायन जीवन शर्मा,लियो–लायन मोहित थापा रलियो–लायन माधव अर्याल चयन हुनुभएको छ।
नवनिर्वाचित कार्यसमितिले आगामी कार्यकालमा सामाजिक सेवा, मानवीय सहयोग तथा संस्थागत सुदृढीकरणलाई प्रभावकारी रूपमा अघि बढाउने प्रतिबद्धता व्यक्त गरेको छ।
