नुवाकोट :- नुवाकोट जिल्लाको ककनी गाउँपालिका वडा नम्बर ६ र ७ मा राष्ट्रिय स्वतन्त्र पार्टी (रास्वपा) को प्रथम वडा अधिवेशन सम्पन्न भएको छ।
जिल्ला पार्टी सदस्य राजु प्रसाद लामिछाने को प्रमुख आतिथ्यतामा सम्पन्न कार्यक्रममा पार्टीका केन्द्रीय उत्पादन तथा प्रवर्द्धन विभाग सदस्य नारायण प्रसाद फुयाल, वाग्मती प्रदेश अभियान तथा प्रचारप्रसार विभाग सदस्य अभीराज न्यौपाने, नुवाकोट क्षेत्र नम्बर १ का क्षेत्रीय निर्वाचन समितिका सभापति यदुमान लामा लगायतको उपस्थिति रहेको थियो।
यसैगरी ककनी गाउँपालिकाका कार्यबाहक सभापति रोजिन लामा र सचिव शिशिर फुयाल सहितका स्थानीय नेताहरूको सहभागितामा कार्यक्रम सम्पन्न भएको हो।
अधिवेशनबाट वडा नम्बर ६ मा सविन नेपाल र वडा नम्बर ७ मा रविन्द्र तामाङ को सभापतित्वमा ५/५ सदस्यीय वडा समिति गठन गरिएको छ।
रास्वपाले स्थानीय तहसम्म संगठन विस्तारलाई तीव्र बनाउँदै अघि बढिरहेको सन्देशसहित अधिवेशन सम्पन्न भएको जनाइएको छ।
