रूपन्देही :- गुल्मी चारपाला रूपन्देही सम्पर्क समाजद्वारा नयाँ वर्ष २०८३ सालको अवसरमा शुभकामना आदान–प्रदान तथा भित्ते पात्रो विमोचन कार्यक्रम भव्य रूपमा सम्पन्न भएको छ।
बुटवल पब्लिक स्कुलमा सम्पन्न उक्त कार्यक्रम संस्थाका अध्यक्ष हिराधर अर्यालकाे को अध्यक्षतामा ,आर्थिक मामिला तथा याेजना मन्त्री माननीय धनेन्द्र कार्कि प्रमुख अतिथ्यतामा आयोजना गरिएको थियो।
कार्यक्रममा संस्थाका निवर्तमान अध्यक्ष उषा खत्री , संस्थापक अध्यक्ष हुमनाथ ज्ञवाली ,आर्थिक मामिला तथा याेजना मन्त्री माननीय धनेन्द्र कार्कि, निवर्तमान सल्लाहाकार, निवर्तमान कार्यसमिति लगायतको उपस्थिति रहेको थियो।
कार्यक्रममा संस्थाको आगामी गतिविधि, सामाजिक रूपान्तरणका योजना तथा संस्थालाई अझ सशक्त बनाउने विषयमा छलफल गरिएको थियो। कार्यक्रममा निवर्तमान अध्यक्ष उषा खत्री तथा सल्लाहकार एवं भित्ते पात्रो विमोचन संयोजक राजेश थापाले नयाँ वर्ष २०८३ सालको शुभकामना व्यक्त गरेका थिए।
संस्थाका उपाध्यक्ष नर प्रसाद क्षेष्ठले स्वागत मन्तव्यबाट सुरु भएको कार्यक्रमको सञ्चालन सचिव विकास टण्डन ले गरेका थिए।कार्यक्रमको समापन गर्दै अध्यक्ष हिराधर अर्यालले विज्ञापनदाता तथा सहयोगी सबैप्रति धन्यवाद ज्ञापन गर्नुभएको थियो।
