ललितपुर–३ मा तोसिमा कार्कीको शानदार जीत

काठमाडौँ : राष्ट्रिय स्वतन्त्र पार्टी (रास्वपा)की उम्मेदवार तोसिमा कार्की ललितपुर क्षेत्र नम्बर–३ बाट प्रतिनिधिसभा सदस्यमा निर्वाचित भएकी छन्। उनले आफ्ना प्रतिद्वन्द्वीहरूलाई भारी मतान्तरले पराजित गर्दै विजय हासिल गरेकी हुन्।

मतगणनाको अन्तिम परिणाम अनुसार रास्वपाकी कार्की स्पष्ट अग्रतासहित विजयी बनेकी छन्। उक्त क्षेत्रमा नेपाली कांग्रेस दोस्रो स्थानमा रहे पनि उसको मत अपेक्षाकृत निकै कम देखिएको छ भने नेकपा (एमाले) तेस्रो स्थानमा सीमित भएको छ।यस जितसँगै कार्कीले ललितपुर–३ मा रास्वपाको प्रभाव मजबुत भएको सन्देश दिएको विश्लेषण गरिएको छ।