दोलखा :- दोलखाको तामाकोशी गाउँपालिका–४ स्थित मालु मतदान केन्द्रमा मतदान अझै सुरु हुन सकेको छैन । मतदानका क्रममा कर्मचारीमाथि हातपातको प्रयास भएपछि प्रहरीले हवाई फायर गरेपछि मतदान प्रक्रिया अवरुद्ध भएको हो ।
सहायक प्रमुख जिल्ला अधिकारी औलाख बहादुर आलेका अनुसार घटना भएपछि रोकिएको मतदान अझै पुनः सुरु हुन सकेको छैन र समाधानका लागि छलफल भइरहेको छ ।
उनले बुथ एजेन्टहरूलाई सुरक्षित स्थानमा राखिएको जानकारी दिँदै मतपत्र लुटपाट हुन थालेपछि उनीहरूलाई त्यहाँबाट हटाएर सुरक्षित ठाउँमा लगिएको बताए ।
दलका केही प्रतिनिधिले नै मतपत्र लुट्न खोजेपछि समस्या उत्पन्न भएको उनले बताए । अहिले घटनाबारे थप अनुसन्धान भइरहेको र अवस्था सामान्य बनाउन प्रयास जारी रहेको प्रशासनले जनाएको छ ।
Facebook Comments Box
