टोखा, काठमाडौं :-टोखा नगरपालिका वडा नं. १ का वडा अध्यक्ष रमेश कुमार लामिछाने ले स्थानीय सरकारको दृष्टिकोण, जिम्मेवारी र भविष्यका योजनाबारे स्पष्ट दृष्टिकोण प्रस्तुत गरेका छन्। अध्यक्ष लामिछाने भन्छन्, “हामी योजना मात्र बनाउँदैनौं, त्यसलाई व्यवहारमा उतार्ने हिम्मत पनि राख्छौं। जनताको विश्वास नै हाम्रो शक्ति हो, त्यसैले पारदर्शिता र जनसहभागिता हाम्रो पहिलो प्राथमिकता हो।”
वडाभित्रका सडक, ढल, खानेपानी, शिक्षा र स्वास्थ्यजस्ता आधारभूत आवश्यकताका लागि निरन्तर योजना निर्माण र कार्यान्वयन भइरहेको उहाँले जानकारी दिनुभयो। उहाँले थपे, “विकास भनेको केवल भवन र बाटो निर्माण होइन, नागरिकलाई सहज र सुरक्षित जीवन दिनु हो।”
तथापि, सीमित बजेट, प्राविधिक कठिनाइ र जनसहभागिताको कमीले कतिपय काममा ढिलाइ भएको उल्लेख गर्दै अध्यक्ष लामिछानेले भने, “हामी आलोचना सुन्छौं, सुधार गर्छौं, र अघि बढ्छौं। गल्ती सुधार्दै अघि बढ्नु नै हाम्रो बाटो हो।”
टोख–१ ले विगतका वर्षहरूमा पारदर्शी र उत्तरदायी प्रशासनको उदाहरण प्रस्तुत गर्दै आएको छ। वडास्तरका योजना र परियोजनामा नागरिकको सहभागिता र अनुगमनलाई प्राथमिकतामा राखिएको छ। अध्यक्ष लामिछानेको स्पष्ट सन्देश छ: “हामी कुरा होइन, कामको प्रमाण देखाउँछौं। दृढ इच्छाशक्ति, एकता र पारदर्शिताले मात्र वडालाई समृद्ध र जिम्मेवार बनाउन सक्छ।”
यसरी सशक्त नेतृत्व र उत्तरदायी दृष्टिकोण देशभरका वडाहरूका लागि प्रेरणादायी बन्न सक्छ।
