गुल्मी :गुल्मीको छत्रकोट गाउँपालिकामा आगो निभाउने क्रममा एक वृद्ध घाइते हुनुभएको छ । छत्रकोट गाउँपालिका २ का ७१ वर्षीय सूर्यबहादुर रजाली आज मङ्गलवार दिउँसो आगो निभाउने क्रममा घाइते हुनुभएकाे गुल्मीका सशस्त्र प्रहरी नायब उपरीक्षक नवीनकुमार खड्काले जानकारी दुनुभयाे । घाइते रजालीकाे स्थानीय शृङ्गा प्राथमिक स्वास्थ्य केन्द्रमा उपचार भइरहेकाे छ ।
यस्तै छत्रकोटको ग्वाघा रानीवनदेखि लागेको आगोले छत्रकोट गाउँपालिका २ डाङ्ग्रेका खिमा रजाली र दुर्गाबहादुर रजालीकाे गोठमा आगो लाग्दा गोठ जलेर नष्ट हुनुको साथै एउटा बाख्रासमेत जलेर मरेको प्रहरीले जनाएको छ । प्रहरीका अनुसार छत्रकोटकै स्थानीय रुपा बलाल र कुलबहादुर रजालीको कच्ची गोठ पनि जलेको छ । अहिले जनपथ प्रहरी र सशस्त्र प्रहरीकाे टाेलीले आगाे निभाउने प्रयास गरिरहेकाे छ ।
साभार :रेसुङ्गा fm
Facebook Comments Box
