बझाङ :- बझाङमा मध्यराती आमा_छोरा माथी चख्खु प्रहार भएको छ।
जिल्लाको सुर्मा गाउँपालिकाको वडा नं ३ घर भई सदरमुकाम चैनपुर बस्दै आएका कलक विकको परिवारमाथि अज्ञात समूहले चक्कु प्रहार गरेको हो ।चक्कु प्रहारबाट घाइते हुनेमा २७ वर्षीया सुनिता विक र उनका दुई छोरा ७ वर्षीय आदित्य विक र ४ वर्षीय आबेल रहेका छन् ।
पीडितका बुवा र श्रीमान् कलक विकका अनुसार आक्रमणकारीले घरमै प्रवेश गरेर क्रूर ढङ्गले आक्रमण गरेका थिए । डरलाग्दो आक्रमण गरी एन्ड्रोइड मोबाइल फोन चोरी गरेको समेत विकले बताएका छन् ।
आक्रमणकारीले सुतिरहेका उनीहरूलाई चक्कु प्रहार गरेको बताइएको छ । ‘आक्रमणकारीहरूले आफ्नो पहिचान लुकाउन मास्क लगाएका थिए’ घाइते श्रीमतीलाई उद्धृत गर्दै विकले भने ।
निर्मम आक्रमणबाट जेठा छोरा आदित्य विक परिवारका अन्य सदस्यभन्दा बढी गम्भीर घाइते भएका छन् । घाइते तीनै जनालाई जिल्ला अस्पताल लगिएकोमा अहिले उनीहरूको उपचार भइरहेको छ
