रामेछाप:- रामेछाप नगरपालिका–२ देउरालीस्थित सिरुबारीमा आज दिउँसो निर्वाचन सामग्री बोकेको मिनी ट्रक दुर्घटना हुँदा २ जनाको मृत्यु भएको छ।
दुर्घटनामा घटनास्थलमै प्रहरी सहायक निरीक्षक आरपी यादव र मन्थली अस्पतालमा उपचारका क्रममा डोरप्रसाद घिमिरेको मृत्यु भएको जिल्ला प्रहरी कार्यालयले जनाएको छ। घाइते सात जनालाई तत्कालै उपचारका लागि स्थानीय र काठमाडौँका अस्पतालमा पठाइएको छ। घाइतेमध्ये सब्बरबहादुर मानन्धर, भीमबहादुर मानन्धर, सविना खड्का, केदारकुमार रोक्का, कृष्णप्रसाद घिमिरे र दुर्गा कार्की रहेका छन्।
प्रहरीका अनुसार दुर्घटना भएको गाडी ना४ख ६७६८ नम्बरको मिनी ट्रक देउराली र साँघुटार गरी तीन वटा मतदान केन्द्रका निर्वाचन सामग्री, सुरक्षाकर्मी र मतदान अधिकृतसहितको टोली लिएर जाँदै थियो। गाडी सडकबाट करिब २०० मिटर तल खसेको थियो।
जिल्ला प्रहरी कार्यालयका सूचना अधिकारी राजनप्रसाद तिमिल्सिनाले जानकारी दिनुभयो, “मावि देउरालीको निर्वाचन सामग्री बुझाएर सिरुबारी र हिमगङ्गा मावि साँघुटारमा रहेका दुई वटा मतदान केन्द्रका सामग्री लिएर जाँदै गर्दा दुर्घटना भएको हो।”
प्रहरीले घाइतेहरूको उपचारमा आवश्यक कदम चाल्दै घटनाको थप अनुसन्धान सुरु गरेको
