बुटवल:-बुटवल–११, कालिकानगरस्थित होटल भेल्भेट लक्समा क्लब अध्यक्ष लायन कृष्णबन्धु अर्यालको अध्यक्षता तथा सचिव लियो–लायन हिमाल खनालको सञ्चालनमा क्लबको प्रथम बोर्ड तथा जनरल बैठक सम्पन्न भयो।
बैठकमा वार्षिक कार्ययोजना, आगामी तीन महिनामा सम्पन्न गरिने सेवा कार्यहरू, बैंक खाताको हस्ताक्षर परिवर्तन, रिक्त पदमा मनोनयन, LCIF तथा NLF मा योगदान, नयाँ सदस्यता वृद्धि लगायतका एजेन्डामा छलफल गरी आवश्यक निर्णय गरिएको बताइएको छ।
अध्यक्ष अर्यालले शिक्षा, स्वास्थ्य, वातावरण संरक्षण, रक्तदान, विपद् व्यवस्थापन तथा मानवीय सेवामा प्रभावकारी कार्यक्रम सञ्चालन गर्दै क्लबलाई डिस्ट्रीककै उदाहरणीय क्लब बनाउने प्रतिबद्धता व्यक्त गर्नुभयो। उहाँले सदस्यहरूको सक्रिय सहभागिता र एकताबाट मात्र सेवा अभियान सफल हुने उल्लेख गर्नुभयो।
बैठकमा डिस्ट्रीक एक्सन टिमका को-चिफ एडभाइजर तथा क्लबका पूर्व अध्यक्ष, क्लब एडमिनिस्ट्रेटर, क्लब मार्केटिङ को- अर्डिनेटर लायन विष्णु कुँवर, डिस्ट्रिक्ट चिफ लायन कृष्णप्रसाद पौड्याल, डिस्ट्रिक्ट डेपुटी ट्रेजरर, क्लबका पूर्व अध्यक्ष तथा क्लब सर्भिस चेयर लायन बाल्दर गोदार, डिस्ट्रिक्ट प्रोग्राम चेयरपर्सन, क्लब पूर्व अध्यक्ष लायन उत्तम अर्याल, निवर्तमान अध्यक्ष लायन जमाल खान तथा पूर्व अध्यक्ष लायन तोयाराम पौडेलको उपस्थिति रहेको थियो।
त्यसैगरी क्लबका उपाध्यक्षहरू कृष्णप्रसाद घिमिरे र रामबहादुर रसाइली, कोषाध्यक्ष आनन्द क्षेत्री, लायन टेमर बुद्धि कुँवर, टेल ट्विस्टर सुदीप ज्ञवाली तथा क्लब डाइरेक्टरहरू र सदस्यहरूको उल्लेखनीय सहभागिता थियो।
सिनियर लायन्स लिडरहरूले लायन वर्ष २०२६/२७ मा क्लबलाई अझ सक्रिय, प्रभावकारी र सेवामुखी बनाउँदै समुदायमा सकारात्मक परिवर्तन ल्याउने विश्वास व्यक्त गर्नु भएको थियो।
