काठमाडौं :- काठमाडौं केन्द्र बनाएर सुरु भएको बि एण्ड बि सुज (B&B Shoes) ले नेपाली जुत्ता उद्योगमा आफ्नै अलग पहिचान स्थापित गर्दै आएको छ। गुणस्तर, आकर्षक डिजाइन र उचित मूल्यलाई मुख्य आधार बनाउँदै अघि बढिरहेको यस कम्पनीले छोटो समयमै उपभोक्तामाझ विश्वासिलो ब्रान्डको रूपमा स्थान सुरक्षित गर्न सफल भएको छ।
काठमाडौंस्थित मुख्य कार्यालयबाट सञ्चालन हुँदै आएको बि एण्ड बि सुजले ग्राहकको चाहना र बजारको मागलाई मध्यनजर गर्दै नियमित रूपमा जुत्ता मेला आयोजना गर्दै आएको छ। सोही क्रममा कम्पनीले वीरगञ्जमा ‘मेला सधैं, हरेक महोत्सव’ भन्ने अवधारणासहित जुत्ता मेला आयोजना गरेको छ। मेलामा करिब २५० भन्दा बढी किसिमका जुत्ता विभिन्न मोडल, साइज र डिजाइनमा आकर्षक छुट तथा अफरसहित उपलब्ध गराइएको छ। यसले उपभोक्तालाई गुणस्तरीय जुत्ता सहज मूल्यमा खरिद गर्ने अवसर प्रदान गरेको छ।
काठमाडौंबाटै नेपाली बजारमा आफ्नो सशक्त उपस्थिति बनाइसकेको बि एण्ड बि सुजले राजधानीका उपभोक्ताको रोजाइअनुसार आधुनिक, टिकाउ तथा ट्रेन्डअनुसारका जुत्ताहरू बजारमा ल्याउँदै आएको छ।
व्यवसायिक विस्तारको क्रममा कम्पनीले पछिल्लो समय रक्सौल नाकामा समेत आफ्नो सेवा विस्तार गरेको छ। सीमावर्ती क्षेत्रमा गरिएको यस विस्तारले व्यापारिक पहुँच बढाउनुका साथै सीमापार व्यापार र ग्राहक सेवामा नयाँ सम्भावनाहरू थपेको कम्पनीको विश्वास छ।
व्यवसायसँगै ग्राहक सन्तुष्टि र विश्वासलाई उच्च प्राथमिकतामा राख्दै आएको बि एण्ड बि सुजले भविष्यमा थप सहर र प्रमुख नाकाहरूमा सेवा विस्तार गर्ने लक्ष्य लिएको छ। स्वदेशी उत्पादन र बजार प्रवर्द्धनमा निरन्तर योगदान पुर्याउँदै आएको यस कम्पनीको यात्रा नेपाली जुत्ता उद्योगका लागि प्रेरणादायी बनेको छ।
