काठमाडौँ :- जेनजी आन्दोलनपछि फागुन २१ गते हुने निर्वाचनमा सहभागी नहुने अनौपचारिक संकेत गर्दै आएका एमाले अध्यक्ष केपी ओलीले अन्ततः चुनावमा सहभागि हुने घोषणा गरेका छन्।
प्रधानमन्त्री सुशीला कार्की नेतृत्वको सरकारले फागुन २१ गते निर्वाचन घोषणा गरेपछि ओलीले एक अन्तर्वार्तामार्फत आफूहरूको पार्टीले उक्त निर्वाचनमा सहभागि हुने बताउनुभएको हो।
यसअघि ओलीले अहिलेको सरकारले फागुन २१ गते निर्वाचन नै नगर्ने र संसद पुनःस्थापना हुनुपर्ने माग गर्दै सिङ्गो एमालेलाई सडक आन्दोलनमा समेत उतारेका थिए। तर नेपाली कांग्रेसले संसद पुनःस्थापनाको मुद्दामा समर्थन नगरेपछि ओली नेतृत्वको एमाले चुनावमा सहभागी हुन बाध्य भएको विश्लेषकहरूले जनाएका छन्।
एमाले सचिव योगेश भट्टराईले पनि चुनावमा सहभागि हुने माग अनुसार १० गतेभित्र निर्वाचन आयोगमा दल दर्ता गरिने बताएका छन्।
Facebook Comments Box
