बुटवल:- बुटवल पाल्पा सडकखण्डको जोरधारामा बस दुर्घटना भएको छ। आईतबार विहान बुटवलबाट बाग्लुङको बुर्तिबाङ जाँदै गरेको बस जोरधारामा दुर्घटनामा परेको हो। दुर्घटना हुँदा एक महिलाको मृत्यु भएको छ ।दुर्घटनाको विस्तृत विवरण आउन भने बाँकि छ। अहिले प्रहरी घटनास्थल पुगिसकेको र उद्धार कार्य शुरु गरेको जनाएको छ। बस तिनाउ नदि देखि केही माथी अप्ठेरो ढिकमा अडकीएकोका कारण उद्धारमा कठिनाई भई रहेको स्थानीयले बताएका छन ।घटनास्थलमा रहेका जिल्ला टाफिक प्रहरी कार्यालय पाल्पाका प्रहरी सहायक निरिक्षक फर्सुराम गौतमले अहिले सम्म २० जना घाईतेहरुको उद्धार गरी पाल्पाको प्रभासमा रहेको लुम्विनी मेडीकल कलेज मा पठाईएको र बांकीको उद्धार गर्ने कार्य चलिरहेको बताए।
गौतमका अनुसार बिहान ८ बजे बुटवलबाट बाग्लुंङको बुर्तिबांङका लागि छुटेको लु १ ख ५९५६ नम्वरको बस दुर्घटनामा परेको हो।बस सडक देखि करीव ३ सय मिटर तल तिनाउ खोलामा खसेको छ। घाईतेहरु धैरैको अवस्था गम्भिर रहेको छ। अहिले सम्म बसमा कति यात्रु थिए भन्ने खुल्न नसकेको गौतमले बताए।अहिले हामी उद्धारमा छौं बसमा कति यात्रु थिए भन्ने खुलेको छैन् । के कति कारणले दुर्घटना भएको हो भन्ने समेत थाहा हुन नसकेको बताए। पाल्पामा रहेका एम्वुलेन्सहरुबाट मात्रै उद्धार हुन नसकेपछि अहिले बुटवलबाट ४ वटा एम्वुलेन्स घटनास्थल तर्फ जादै गरेको एम्वुलेन्स चालक मनोज भण्डारीले बताए।
