भैरहवामा मालपोतका नायब सुब्बा २ लाख घुससहित पक्राउ

बुटवल:- रुपन्देहीको भैरहवास्थित मालपोत कार्यालयका एक कर्मचारी घुससहित पक्राउ परेका छन्।

अख्तियार दुरुपयोग अनुसन्धान आयोग को बुटवल कार्यालयबाट खटिएको टोलीले मालपोत कार्यालय, भैरहवामा कार्यरत नायब सुब्बा ओमबहादुर खाम्चा मगर लाई २ लाख रुपैयाँ घुससहित नियन्त्रणमा लिएको हो।

सेवाग्राहीको जग्गासम्बन्धी काम (सर्जमिन मुचुल्का) मिलाइदिने भन्दै उनले घुस माग गरेको सूचनाका आधारमा अख्तियारको टोली सक्रिय भएको थियो। टोलीले उनलाई भैरहवा बजारबाटै रंगेहात पक्राउ गरेको जनाएको छ।

अख्तियार स्रोतका अनुसार पक्राउ परेका मगरको साथबाट घुस बापतको २ लाख रुपैयाँ बरामद गरिएको छ। उनलाई नियन्त्रणमा लिएर थप अनुसन्धान प्रक्रिया अघि बढाइएको आयोगले जनाएको छ।
यस घटनासँगै सरकारी कार्यालयहरूमा हुने घुसखोरी नियन्त्रणबारे फेरि प्रश्न उठेको छ।