काठमाडौं :- नवलपुर निर्वाचन क्षेत्र नम्बर–२ बाट राष्ट्रिय स्वतन्त्र पार्टी (रास्वपा) का मनिष खनाल विजयी भएका छन्।
अन्तिम मतपरिणाम अनुसार खनालले ४१ हजार ३४७ मत प्राप्त गर्दै जीत हासिल गरेका हुन्। उनका निकटतम प्रतिद्वन्द्वी नेकपा (एमाले) का तिलकबहादुर महतले १५ हजार ७५५ मत प्राप्त गरेका छन् भने नेपाली कांग्रेसका ओमबहादुर घर्तिले १४ हजार ७१३ मत ल्याएका छन्।
कानुन अध्ययन गरेका २६ वर्षीय खनाल जेन–जी (Gen Z) उमेर समूहका प्रतिनिधि बनेका छन्। कम उमेरमै प्रतिनिधिसभामा निर्वाचित भएसँगै उनी नयाँ पुस्ताका युवा सांसदका रूपमा चर्चामा आएका छन्।
Facebook Comments Box
