गुल्मी:- गुल्मी दरबारगाउँपालिका र स्वास्थ्य बीमा बोर्डबीच आज औपचारिक सम्झौता सम्पन्न भएको छ। सम्झौताअनुसार २०८२ साल माघ १५ गतेदेखि गुल्मी दरबार आधारभूत अस्पतालबाट स्वास्थ्य बीमा कार्यक्रमअन्तर्गतका सेवा–सुविधा प्रदान गरिनेछ।
यस सम्झौतासँगै गुल्मी दरबारगाउँपालिका क्षेत्रका सम्पूर्ण नागरिकहरूले स्वास्थ्य बीमाको सुविधा उपयोग गर्दै आधारभूत अस्पतालबाट सहज र सुलभ रूपमा स्वास्थ्य सेवा प्राप्त गर्न सक्नेछन्।
स्थानीय तह र स्वास्थ्य बीमा बोर्डबीचको सहकार्यले नागरिकको स्वास्थ्य सेवामा पहुँच थप प्रभावकारी र सुदृढ हुने विश्वास लिइएको छ।
सम्बन्धित निकायहरूले स्वास्थ्य बीमा कार्यक्रममा आबद्ध भई उपलब्ध सेवा–सुविधा लिन सम्पूर्ण नागरिकलाई आग्रह गरेका छन्।
Facebook Comments Box
