काठमाडौं :- साताको अन्तिम कारोबार दिन शुक्रबार सेयर बजारमा आएको गिरावटको क्रम रोकिएको छ।
यस दिन NEPSE परिसूचक १.५४ अंकले बढ्दै २७८८ बिन्दुमा पुगेर बन्द भएको छ। यसअघि लगातार चार कारोबार दिन बजार ओरालो लागेको थियो।
कारोबार रकममा पनि सामान्य सुधार देखिएको छ। बिहीबार ५ अर्ब ९ करोड रुपैयाँको कारोबार भएकोमा शुक्रबार बढेर ५ अर्ब २७ करोड रुपैयाँ पुगेको छ।आज ८७ कम्पनीको सेयर मूल्य बढ्दा १६८ कम्पनीको घटेको छ भने १४ कम्पनी स्थिर रहेका छन्।
क्षेत्रगत रूपमा बैंकिङ, विकास बैंक, होटल तथा पर्यटन, हाइड्रोपावर, उत्पादन तथा प्रशोधन र व्यापार समूहमा सामान्य वृद्धि देखिएको छ।
यता ‘अन्य’ समूह सबैभन्दा धेरै १.०२ प्रतिशतले घटेको छ। त्यसैगरी निर्जीवन बीमा, माइक्रोफाइनान्स, जीवन बीमा, लगानी तथा फाइनान्स समूह पनि घटेका छन्।
आज तीन कम्पनीको सेयर मूल्य करिब १५ प्रतिशतसम्म बढेको छ। ती कम्पनीमा पाल्पा सिमेन्ट इन्डस्ट्रिज, शिखर पावर र माइखोला हाइड्रोपावर रहेका छन्।त्यस्तै कर्पोरेट डेभलपमेन्ट बैंक र श्रीनगर एग्रिटेक को मूल्य पनि उल्लेख्य बढेको छ।
यता मेन्छियाम हाइड्रोपावर को सेयर मूल्य सबैभन्दा धेरै घटेको छ।
कारोबारका आधारमा रिडी पावर, रिलायन्स स्पिनिङ मिल्स, नेसनल हाइड्रोपावर, सोलु हाइड्रोपावर र आँखुखोला जलविद्युत् कम्पनी अगाडि रहेका छन्।
