काठमाडौं:- गायक मोतिराज खनाल र गायिका शान्तिश्री परियार को स्वरमा नयाँ लोकगीत बिर्सु कसरी सार्वजनिक भएको छ। नवराज गौतमको जीवन भोगाइमा आधारित यो गीतले प्रेम, पीडा र बिछोडको गहिरो अनुभूति प्रस्तुत गरेको छ।
गीतका शब्द स्वयं नवराज गौतम ले लेखेका हुन् भने संगीत गायक मोतिराज खनालकै रहेको छ। संगीत संयोजन महेन्द्र भण्डारी ले गरेका छन्। मारुनी डिजिटल रेकर्डिङ स्टुडियोमा तयार गरिएको गीतमा सुमन रानाले रेकर्डिङ र कुमार रानाले मिक्सिङ गरेका छन्। 
गीतको म्युजिक भिडियोमा नवराज गौतमसँगै सरिता ढुंगाना, भगवान भण्डारी, चन्दा बिडारी, कमला भुजेल, सागर गिरी, गीता खनाल, कृष्टीना शाह, सरिता कुवर, सिद्धार्थ कंडेल, साइब्रीना थिङ, बिक्रम थापा र लक्ष्मण खड्का लगायतका कलाकारहरूको अभिनय देख्न सकिन्छ। भिडियो निर्देशन चर्चित निर्देशक देवेन्द्र कुवर ले गरेका हुन् भने छायांकन दीपक गिरी र सम्पादन राजेश कुमारले गरेका छन्।
“बिर्सु कसरी” गीतको कथा नवराज गौतमको वास्तविक जीवनमा आधारित रहेको बताइएको छ। उनका अनुसार अत्यन्तै नजिकको प्रेम सम्बन्ध पारिवारिक दबाबका कारण टुट्दा उत्पन्न भएको पीडा, बिछोड र असहनीय अवस्थालाई गीतमार्फत व्यक्त गरिएको हो। प्रेममा हार, सामाजिक बन्धन र मानवीय संवेदनाको गहिरो कथा बोकेको यो गीत श्रोतामाझ भावनात्मक रूपमा जोडिने विश्वास गरिएको छ।
यो गीत केवल सांगीतिक प्रस्तुति मात्र नभई एक वास्तविक पीडा र सम्झनाको जीवित अभिव्यक्ति बनेर आएको सिर्जनाका रूपमा लिइएको छ।
भिडियाे लिङ्क :-
