गुल्मी :- गुल्मीको सत्यवती गाउँपालिकामा ६२ वर्षीया महिलामाथि जबर्जस्ती करणी गरेको आरोपमा एक युवक पक्राउ परेका छन्।
पक्राउ पर्नेमा सत्यवती गाउँपालिका–४ नादेवाका २३ वर्षीय आशिष ज्ञवाली रहेका छन्। जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक गंगाबहादुर सारु का अनुसार वैशाख १ गते साँझ करिब ५ बजे नादेवास्थित बारीमा उक्त घटना भएको हो।
घटनाबारे जानकारी प्राप्त हुनासाथ जोहाङबाट प्रहरी नायब निरीक्षक नरेन्द्र बहादुर विक को नेतृत्वमा खटिएको टोलीले पीडित र आरोपित दुवैलाई नियन्त्रणमा लिएको थियो।
पीडित महिलाले दिएको जाहेरीका आधारमा अदालतबाट म्याद थप गरी आरोपितमाथि थप अनुसन्धान प्रक्रिया अघि बढाइएको प्रहरीले जनाएको छ।यस घटनाले ग्रामीण क्षेत्रमा महिला सुरक्षाबारे पुनः गम्भीर प्रश्न उठाएको छ।
Facebook Comments Box
