काठमाडौं :- बालेन्द्र शाह (बालेन) नेतृत्वमा १५ सदस्यीय मन्त्रिपरिषद् गठन भएको छ। मन्त्रिपरिषद्मा पाँच जना महिला मन्त्री समावेश भएका छन्।
प्रधानमन्त्री बालेनसहित सबै मन्त्रीहरूले आजै शपथ ग्रहण गर्ने तयारी गरिएको छ। बालेन प्रधानमन्त्रीमा नियुक्त भइसकेका छन् भने रक्षा र उद्योग मन्त्रालय पनि उनले आफैं सम्हाल्नेछन्।
मन्त्रिपरिषद्मा दोस्रो वरीयतामा रहेका स्वर्णिम वाग्ले अर्थमन्त्री बनेका छन्। सोविता गौतम ले कानुन मन्त्रालयको जिम्मेवारी पाएकी छन् भने शिशिर खनाल परराष्ट्रमन्त्री नियुक्त भएका छन्।त्यस्तै सुधन गुरुङ गृह मन्त्रालयको जिम्मेवारीमा छन् भने विराजभक्त श्रेष्ठ ऊर्जामन्त्री बनेका छन्।
प्रतिभा रावल सामान्य प्रशासन मन्त्री, विक्रम तिमिल्सिना सञ्चारमन्त्री र दीपक साह श्रममन्त्री बनेका छन्।यसैगरी सस्मित पोखरेल शिक्षामन्त्री, गणेश पौडेल पर्यटनमन्त्री, सीता वादी महिला, बालबालिका मन्त्री तथा निशा मेहता स्वास्थ्य तथा जनसंख्या मन्त्री नियुक्त भएका छन्।नयाँ मन्त्रिपरिषद् गठनसँगै सरकार सञ्चालन, सेवा प्रवाह सुधार र प्रशासनिक पुनर्संरचनामा केन्द्रित हुने अपेक्षा गरिएको छ।
