बुटवल :- रुपन्देही निर्वाचन क्षेत्र नं. २ बाट स्वतन्त्र उम्मेद्वारी दिएका डा. निकोलस भुसाल ले आफ्नो उम्मेद्वारी निष्क्रिय गर्दै राष्ट्रिय स्वतन्त्र पार्टी (रास्वपा) का उम्मेदवार सुलभ खरेल लाई समर्थन गर्ने घोषणा गरेका छन्।
आइतबार जारी प्रेस विज्ञप्तिमार्फत भुसालले देशको राजनीतिक परिवेश, वैकल्पिक शक्तिको आवश्यकता र परिवर्तनको पक्षमा एकीकृत प्रयास आवश्यक भएको निष्कर्षमा पुग्दै यस्तो निर्णय लिएको बताएका हुन्।
उनले स्वतन्त्र उम्मेद्वारीमार्फत पारदर्शिता, जवाफदेहिता, सुशासन र प्रणालीगत सुधारका एजेन्डा अघि सारेको स्मरण गराउँदै ती मुद्दाहरूलाई प्रभावकारी रूपमा कार्यान्वयन गर्न वैकल्पिक शक्तिलाई सशक्त बनाउनु आवश्यक रहेको उल्लेख गरेका छन्।
भुसालले पुराना राजनीतिक शक्तिको दोहोरिएको वर्चस्वका कारण अपेक्षित परिवर्तन सम्भव नभएको उल्लेख गर्दै अब नयाँ नेतृत्वलाई अवसर दिनुपर्ने धारणा व्यक्त गरे। उनले आफ्नो निर्णयलाई व्यक्तिगत महत्वाकांक्षाभन्दा माथि उठेर राष्ट्रहितमा गरिएको रणनीतिक सहकार्यको कदम भएको बताएका छन्।
प्रेस विज्ञप्तिमा उनले प्रदेश सरकार खारेज, शिक्षा–स्वास्थ्य निःशुल्क, डिजिटल तथा पारदर्शी शासन प्रणाली, युवा सहभागिता प्रवर्द्धन, संरचनागत सुधार र भ्रष्टाचारविरुद्ध शून्य सहनशीलता जस्ता एजेन्डा सार्वजनिक गरेका थिए। ती एजेन्डाहरू कार्यान्वयन गर्ने प्रतिबद्धता सुलभ खरेलले व्यक्त गरेकाले समर्थन गर्ने निर्णय लिएको उनले स्पष्ट पारे।
भुसालले आफ्ना समर्थक तथा मतदातालाई निर्णयलाई सकारात्मक रूपमा ग्रहण गरी वैकल्पिक राजनीतिक शक्तिलाई सुदृढ बनाउन सक्रिय भूमिका निर्वाह गर्न अपिल गरेका छन्।यस निर्णयसँगै रुपन्देही–२ को चुनावी समीकरणमा नयाँ मोड आएको विश्लेषण गरिएको
