डोटी :डोटीको बोगटान फुड्सिल गाउँपालिका वडा नम्बर–४ सातफरीले वडा भित्र भएका अशक्त तथा अपांगलाई सोमबार सहायताका सामाग्री हस्तान्त्रण गरेको थियाे।
वडा भित्र भएका २७ जनालाई सहायताका सामान, सरसफाइका सामान तथा कपडा वितरण गरेको थियाे । चार जना क वर्गकालाई ह्विुइलचिएर, सरसफाइका सामान अन्यलाई सरसफाईका सामान, कम्बल तथा विद्यालय पढ्ने उमेरकालाई सरसफाइका सामान र शैक्षिक सामाग्री वितरण गरेको हो।
वडाले वडामा भएका हिँडडुल गर्न नसक्ने असाहायलाई सहायताका सामाग्री सहयोग गरेको थियाे। वडामा भएका हिँडडुल गर्न नसक्ने दयनीय अवस्थाका व्यक्तिलाई घर बाहिर भित्र तथा हिँडडुल गर्न राहत पुगोस भन्ने उदेश्यले सामाग्री वितरण गरेको वडा अध्ययक्ष दिप बमले बताउनु भएकाे छ।
सहायताका सामाग्री पाउँदा निकै खुसी भएको चित्रा बिनाडीले बताइन्, उनले भनिन्–‘बाहिर भित्र जाँदा अरुको साथ चाहिन्थ्यो, बढी त शौचालय जादा समस्या हुन्थ्यो,अब, आफै जान सक्ने भए।’ सहायताका समान पाउँदा सबैजनाले खुसी हुदै धन्यवाद दिएका थिए।
साथै वडाले एक टोलका किसानलाई पोलि हाउसका लागि चाहिने प्लास्टिक तथा वर्षायाममा हुने विभिन्न प्रकारका तरकारी बालिका विउ समेत वितरण गरेको थियो।
