निराज रानाभाट, काठमाडौं । सबिन कुमार तोलाङ्गीको लेखन तथा निर्देशनमा निर्माणधिन नेपाली कथानक चलचित्र ‘ राजमहल ’ मा नायकको खोजी भइरहेको छ । छहारी मल्टी मिडिया प्रा. लि. को प्रस्तुतिमा निर्माण हुन लागि रहेको नेपाली चलचित्र ‘ राजमहल ’ मा चर्चित नायक रमेश उप्रेती, नायिका आँचल शर्मा, गरिमा शर्मा र डेब्यु नायिकाको रुपमा सिम्रन पन्त अनुबन्धित भइसकेका छन् । निर्देशक तोलाङ्गीले ‘ राजमहल ’ मा एक मुख्य नायिकको खोजी भइरहेको बताए । ‘ राजमहल ’ मा २२ देखि २५ वर्षको आर्यन समुदायको पात्रको खोजी भइरहेको निर्दशक तोलाङ्गीले जानकारी दिए ।
चलचित्र ‘ राजमहल ’ मा कास्कीको पोखराका युवा व्यवसायी यश बहादुर गुरुङ, चितवनका गोल्ड व्यवसायी माधव गहतराज, शोभा श्रेष्ठ र लाइन प्रोड्युसरको रुपमा सरोज कंडेल, साहिल श्रेष्ठ र श्रीया तिमिल्सीना रहेका छन् । चलचित्रको छायांकन चर्चित छायांकार पुरुषोत्तम प्रधानले गर्दै छन, भने संगीत चर्चित संगीतकार अर्जुन पोखरेले गरिरहेका छन । कार्तिकदेखि छायांकन गरिने भनिएको अहिले माघको पहिलो सातादेखि छायांकनमा जाने चलचित्रको प्रि – प्रोडक्सनको धमाधम काम भइरहेको छ । चलचित्रको वर्किङ टाइटल ‘ ह्वाइट हाउस ’ राखिएको थियो । चलचित्र दर्ता गर्दा ‘ राजमहल ’ मा दर्ता गरिएको निर्माता यश बहादुर गुरुङले जानकारी दिए ।
