बुटवल :- प्रतिनिधिसभा निर्वाचनअन्तर्गत रुपन्देही क्षेत्र नम्बर–२ मा मतगणना जारी रहँदा राष्ट्रिय स्वतन्त्र पार्टी (रास्वपा) का उम्मेदवार शुलभ खरेलले अग्रता कायम राखेका छन्
हालसम्मको मतपरिणाम अनुसार खरेलले ४ हजार ७४ मत प्राप्त गरेका छन्। नेकपा (एमाले) का उम्मेदवार विष्णु पौडेलले ८४५ मत पाएका छन् भने नेपाली कांग्रेसका उम्मेदवार चुन्नप्रसाद शर्मा (पौडेल) ५०४ मतसहित तेस्रो स्थानमा रहेका छन्।
बुटवल उपमहानगरपालिका–१ मा गणना गरिएको १ हजार ८६५ मतमध्ये खरेलले १ हजार २९३ मत प्राप्त गरेका छन्। सोही वडामा एमालेका विष्णु पौडेलले २४५ मत पाएका छन् भने कांग्रेसका चुन्नप्रसाद शर्माले १९९ मत प्राप्त गरेका छन्। नेकपाका विश्वदीप पाण्डेले ८ मत पाएका छन्।
त्यस्तै तिलोत्तमा नगरपालिका–१ को मतगणनामा पनि खरेलले अग्रता कायम राखेका छन्। उक्त वडाबाट उनले २ हजार ७८१ मत प्राप्त गरेका छन्। त्यहाँ एमालेका विष्णु पौडेलले ६०९ मत पाएका छन् भने नेकपाका विश्वदीप पाण्डेले ३५ मत प्राप्त गरेका छन्।
निर्वाचन अधिकृत राजेन्द्र न्यौपानेका अनुसार रुपन्देही क्षेत्र नम्बर–२ मा कुल १ लाख ३५ हजार ५० मतदाता रहेका छन्। मतगणना भने निरन्तर जारी रहेको छ।
