रुकुम : – जाजरकोट भूकम्पले दुई मानवीयसँगै ठूलो भौतिक संरचनामा क्षति पुर्यायो । सयौँ घरबारविहीन भए । प्रभावित क्षेत्रका नागरिकका लागि यो तिहार खल्लो भएको छ । उनीहरूको तिहार मनाउने सपना यसपटक पूरा हुन सकेन ।
सल्यानको दार्मा गाउँपालिकाबाट तिहार मनाउन आफ्नो माइती जिल्ला रुकुम पश्चिमको आठबीसकोट नगरपालिका–१३ मा छोरासँगै आएकी २६ वर्षीया भूमिका शाही मल्ल र चार वर्षको छोरा लेखनाथको भूकम्पमा परेर ज्यान गयो । दुई आमा छोराको ज्यान मात्रै गएन, उनकी आमा, बहिनीको नाै महिनाको छोरा र माइजुको समेत ज्यान गयाे । उनीहरू पाँचै जनाको १४ नम्बर वडाको मामाघर ज्यामिरेकोट पूर्णगाउँमा ज्यान गएको थियो । उनीहरू बिरामी माइजुलाई भेट्न त्यहाँसम्म पुगेका थिए ।
यस्तै आठबीसकोट–१३ हम्पाका लक्ष्मण शाहीलाई आमा, बहिनी, दुई भान्जा गुमाउँदा ठूलो ब्रजपात परेको छ । आमा, बहिनी, भान्जाहरू गुमाउनुको पीडा त छँदैछ, उनीहरूलाई तिहारले आफन्त सम्झाइरहेको छ ।
???????, ?? ??????? :
????????? ???? ???????????-? ???? ?????? ???????? ?? ????????? ??????????? ????? ??????????? ?????? : ????? ??????/????
यति बेला धेरै ठाउँमा तिहारको रौनक छ । ठाउँठाउँमा देउसीभैलो खेलिरहेका छन्, रमाइलो गरिरहेका छन् । तर लक्ष्मणजस्तै सयौँ भूकम्प पीडितलाई तिहारले छुन सकेको छैन । भूकम्पले घरपरिवारमा पुर्याएको जनधनकाे क्षतिका कारण यो वर्ष तिहार आएको महसुससमेत गर्न नपाएको आठबीसकोट–१३ हम्पाका लक्ष्मण शाहीले बताउनुभयो । उहाँले भन्नुभयो, “अघिल्ला वर्षमा बहिनीहरू आफ्नो घरबाट मखमली सयपत्री बोकेर टीका लगाउन आउँथे, तिहारमा सँगै बसेर सुख दुःख साटिन्थो, यो वर्ष त हाम्रो परिवारमा भूकम्पले ब्रजपात पर्यो, खुशीसमेत लुटेर लग्यो ।”
तिहारभन्दा पनि अहिले रातको समयमा पर्ने शीत, पछिल्लो समयमा अत्यधिक बढेको चिसोबाट कसरी जोगिने भन्ने चिन्ता थपिएको आठबीसकोट–१३ भल्माका हरिबहादुर ओलीले बताउनुभयो । तत्काल चिसोबाट हुने महामारीबाट जोगाउन र सुरक्षित बस्ने व्यवस्था मिलाउन स्थानीय सरकारलगायत सम्बन्धित निकायलाई गुहारसमेत गरिरहेको ओलीले बताउनुभयो ।
त्रिपाल लगाएर बारीमै चिसो रात काट्नु पर्दा निकै समस्या हुने गरेको सानीभेरी गाउँपालिका–४ का कालिकादेवी मल्लले बताउनुभयो । यो वर्ष तिहारले नछोए पनि भूकम्पबाट बाँच्न सफल भएकोमा भने मल्लले खुशी व्यक्त गर्नुभयो । उहाँले पनि सम्बन्धित निकायलाई अस्थायी बसोबासका लागि तत्काल व्यवस्था मिलाउन आग्रह गर्नुभयो ।
भूकम्प पीडितलाई पहिलो चरणको राहत वितरण सकिएकाले अस्थायी पुनःनिर्माण आवश्यक रहेको र त्यहीअनुसार जिल्ला प्रशासन कार्यालय लागेको प्रमुख जिल्ला अधिकारी हरिप्रसाद पन्तले जानकारी दिनुभयो । उहाँका अनुसार सम्बन्धित स्थानीय तहलाई त्यहीबमाेजिम तयारी गर्न भनिएको छ । भूकम्प प्रभावित क्षेत्रमा तिहारलगतै अस्थायी पुनःनिर्माणकाे काम शुरु गरिने प्रमुख जिल्ला अधिकारी पन्तले जानकारी दिनुभयो ।
