भाउजू म मरे भनेर अन्तिम म्यासेज गरेका पदम थापाको इजरायलमा मृत्यु

२२ वर्षीय पदम घरका कान्छा छोरा भएकाले पनि सबैका प्यारा थिए। उनी इजरायल गएपछि घरपरिवारसँग सधैंजसो सम्पर्कमा रहिरहन्थे। खाना खाँदा सधैं उनी आफ्नो भतिजीसँग भिडियोकल गरेर मात्रै खाने गर्थे। प्रत्येक दिन बिहान भाउजू मेखु अधिकारीसँग पनि उनको भिडियोकल भइरहन्थ्यो। तर, शनिबार भने कल नआउँदा भाउजूले आफैं कल गर्दासमेत रिसिभ नभएको र शनिबार दिउँसो करिब १ बजेतिर भाउजूलाई ‘म मरे’ भनेर उनकै फोनबाट म्यासेज आएको थियो।