गुल्मी:- गुल्मीमा आइतबार साँझ भएको जिप दुर्घटनामा दुई जनाको ज्यान गएको छ भने ११ जना घाइते भएका छन्। जिल्लाको गुल्मीदरबार गाउँपालिका–४ वीरवास मिसुकामा लु १ च ४९०६ नम्बरको बलेरो पिकअप जिप दुर्घटना भएको हो।
जिल्ला प्रहरी कार्यालय गुल्मीका अनुसार दुर्घटनामा स्थानीय ३५ वर्षीया कृष्णा ढेंगा र ४० वर्षीया मीना सनामीको घटनास्थलमै मृत्यु भएको छ।
दुर्घटनामा ११ जना घाइते भएका छन्। घाइते हुनेहरूमा जमुना ढेंगा, सुमित्रा ढेंगा, पार्वती ढेंगा, खगी ढेंगा, पम्फा ढेंगा, कुमारी पुन, निर्मला ढेंगा, ३ वर्षीया चाया ढेंगा, माया ढेंगा, जमुना ढेंगा र नैना ढेंगा रहेका छन्। घाइतेमध्ये केहीको अवस्था गम्भीर रहेको बताइएको छ।
प्रहरीका अनुसार प्रारम्भिक अनुसन्धानमा जिपको ब्रेक फेल भएको कारण दुर्घटना भएको खुलेको छ। जिप अनियन्त्रित भई घरमा ठोक्किँदा दुर्घटना भएको हो।घाइतेहरूलाई उपचारका लागि लुम्बिनी मेडिकल कलेज पठाइएको छ। घटनाबारे थप अनुसन्धान भइरहेको प्रहरीले जनाएको छ।
