बुटवल :- गुल्मी चारपाला रूपन्देही सम्पर्क समाजले आफ्नो आठौँ स्थापना दिवसको अवसरमा रक्तदान कार्यक्रम आयोजना गर्ने भएको छ। समाजले २०८२ फागुन ६ गते बिहान ८ बजेदेखि रक्तदान कार्यक्रम सञ्चालन गर्ने जनाएको हो।
कार्यक्रम रक्तसंचार सेवा केन्द्र, अमरपथ बुटवलमा आयोजना गरिनेछ। समाजले संस्थाका सल्लाहकार, कार्यसमिति पदाधिकारी, वडा संयोजक, आजीवन तथा साधारण सदस्यहरू लगायत सम्पूर्ण शुभेच्छुकलाई कार्यक्रममा उपस्थित भई रक्तदान गर्न आग्रह गरेको छ।
समाजका पदाधिकारीहरूका अनुसार स्थापना दिवसलाई सामाजिक उत्तरदायित्वसँग जोड्दै रक्तदान कार्यक्रम आयोजना गरिएको हो। “रक्तदान जीवनदान हो” भन्ने सन्देश प्रवाह गर्दै समाजले यस अभियानमार्फत बिरामीहरूलाई आवश्यक रगत आपूर्तिमा सहयोग पुग्ने विश्वास व्यक्त गरेको छ।कार्यक्रममा उल्लेख्य सहभागिता रहने अपेक्षा गरिएको आयोजकले जनाएको छ।
