जनकपुरधाम ६। चिकित्सकको लार्पवाहीले अस्पतालमा उपचाररत महिलाको मृत्यु भएको भन्दै आफन्तले आन्दोलन गर्न थालेपछि जनकपुरधामको रामानन्दचोकमा रहेको सुरक्षा अस्पतालमा चिकित्सकहरुको भागाभाग भएको छ।
उक्त अस्पतालमा जनकपुरधाम उपमहानगरपालिका( १५ कपलेश्वरकी २६ वर्षीया सोनिया साहको मृत्यु भएको उनका आफन्त आन्दोलित छन्। भने चिकित्सकहरु अस्पताल छाडेर भागे पछि बिरामी अन्यत्र सारेर अस्पतालमा तालाबन्दी गरिएको छ।
पाठेघरको शल्यक्रियाका लागि सोनियालाई आफन्तले बुधवार भर्ना गरीएकी उनको सोही दिन चिकित्सकले शल्यक्रिया गरेका थिए। तर दुई दिनपछि शुक्रबार दिउँसो उनको मृत्यृ भएको थियो। बिरामीको मृत्यु भएपछि उनका आफन्तले चिकित्सकले शल्यक्रियामा लापरवाही गरेकाले सोनियाको मृत्यु भए भन्दै आन्दोलन सूरु गरेका थिए।
‘दिदीको अबस्था बिग्रिन थालेपछि अस्पतालबाट हामीलाई नसोधी बाहिर लग्न खोजेको थियो’, उदयले भने, ‘हामीलाई त्यतिबेला नै शंका लाग्यो। त्यसपछि हामीले रोकेर हेर्न खोज्दा मृत्यु भइसकेको थियो।’मृतकका भाइ उदयकुमार साहले
सोनियाको मृत्युपछि शुक्रवार मध्यान्हदेखि नै आफ्न्तहरु अस्पतालमा प्रदर्शन गरेपछि सुरक्षाकर्मी पुगेर अबस्था सामान्य बनाएको थियो।
प्रदर्शन भइरहेकै बेला अस्पतालमा उपचाररत सबै विरामी छाडेर चिकत्सकसहितका कर्मचारी भागेपछि परिस्थीती झन उत्तेजक बनेको स्थानीयले बताएका छन्।
मृतकको शव आफन्तले बुझ्न नमानेपछि शुक्रवार राति करिब ८ बजे प्रहरीले मृतकको शव उठाएर पोस्टमार्टमका लागि प्रादेशिक अस्पताल लगेको थियो।
धनुषाका प्रमुख प्रमुख एसपी विश्वराज खड्काले चिकित्सकहरु भागेपछि अस्पतालमा रहेका विरामीहरुलाई समेतअन्यत्र सारेर उपचारको ब्यवस्था मिलाई अस्पतालमा तालाबन्दी गरेको जानकारी दिए।
रातिदेखि नै अस्पतालमा सुरक्षाका लागि ठूलो संख्यामा प्रहरी परिचालन गरिएको छ। पीडितहरुले लापरवाही गर्ने चिकित्सक र अस्पताल संचालकलाई कारबाही र क्षतिपूर्तिको माग गरेका छन्।
