काठमाडौं :-बालेन्द्र शाह (बालेन) ले प्रधानमन्त्री पदको शपथ ग्रहण गरेका छन्। रामचन्द्र पौडेल ले शीतल निवासमा आयोजित विशेष समारोहमा ३६ वर्षीय शाहलाई शपथ गराएका हुन्।
यसअघि राष्ट्रपति पौडेलले नेपालको संविधान २०७२ को धारा ७६ (१) अनुसार प्रतिनिधि सभामा बहुमत प्राप्त दलको नेताका रूपमा शाहलाई प्रधानमन्त्री नियुक्त गरेका थिए। संविधान जारी भएपछि उक्त धाराअनुसार प्रधानमन्त्री नियुक्त भएको यो पहिलोपटक हो। साथै, मधेशी समुदायका व्यक्ति प्रधानमन्त्री बनेको पनि यो पहिलो अवसर मानिएको छ।
काठमाडौं महानगरपालिकाको मेयर पदबाट राजीनामा दिएर फागुन २१ को निर्वाचनमा सहभागी भएका शाह पहिलोपटक संसद् प्रवेश गर्दैै प्रधानमन्त्री बनेका हुन्। उनले केपी शर्मा ओली लाई झापा क्षेत्र नम्बर ५ बाट झण्डै ५० हजार मतान्तरले पराजित गरेका थिए।
मन्त्रिपरिषद् गठन
प्रधानमन्त्री शाहले रक्षा र उद्योग मन्त्रालय पनि आफैंसँग राखेका छन्।
मन्त्रिपरिषद्का अन्य सदस्यहरू यसप्रकार छन्—
स्वर्णिम वाग्ले — अर्थमन्त्री
सुधन गुरुङ — गृहमन्त्री
शिशिर खनाल — परराष्ट्रमन्त्री
सुनिल लम्साल — भौतिक पूर्वाधार तथा यातायात, सहरी विकास
विराजभक्त श्रेष्ठ — ऊर्जा, जलस्रोत तथा सिंचाइ
गणेश पौडेल — पर्यटनमन्त्री
सस्मित पोखरेल — शिक्षा, विज्ञान, प्रविधि तथा युवा खेलकुद
निशा मेहता — स्वास्थ्य तथा जनसंख्या
विक्रम तिमिल्सिना — सञ्चार
प्रतिभा रावल — सामान्य प्रशासन
दीपक साह — श्रम
सोविता गौतम — कानुन
सीता वादी — महिला, बालबालिका
नयाँ सरकार गठनसँगै सुशासन, सेवा प्रवाह सुधार र प्रशासनिक दक्षतामा जोड दिने अपेक्षा गरिएको छ।
